Frivilligsentralen har lenge hatt god hjelp av mange flotte folk frå bygda, som har stilt opp for å gjere kvardagen lysare for andre. Det vil i tida framover bli naudsynt å skåne ein del av desse fine folka, då dei dessverre tilhøyrar ei sårbar gruppe i relasjon til pandemien som rår. Det same gjeld for mange av dei som til vanleg nyttar Frivilligsentralen sine dagtilbod, dei kan ikkje samlast på ein stund enno.
Dette vil kunne by på nye moglegheiter og nye utfordringar på fleire frontar.
Vi er difor på utkikk etter deg som kjenner at du har litt ekstra tid til å nytte til glede for andre. Oppgåver vi trenger hjelp til er både definerte per no, mens andre og kan oppstå på sikt.
Noko av det vi vet per no at vi kan trenge hjelp til er fylgjande:
- Utkøyring av middag frå sjukeheimen i Slidre, til mellom anna heimebuande eldre.
- Ringevenar.
- Turvenar, der må rådande retningslinjer frå FHI gjelde.
- Bistand i Utstyrsbua vår, til mellom anna klargjering av syklar for vår/sommar-sesong, rydding, «prepping» av felleski etter vintersesongen, m.m.
- Mindre «vaktmester» oppdrag av type: «Rusken»-feiing/rydding av hage/gardsplass, vedlikehald utvending på hus og hage.
- Transportoppdrag av ulike typar.
Andre oppgåver kan dukke opp etter som tida går, har du eigne tips om kva du kan stille opp med/på så meld det gjerne til oss også!
Hugs og på at du sjølv ikkje må vera i risikogruppa.