Susanne Engelmann   Her lærer du tradisjonell lausdans. I tillegg driv vi med grunnleggjande øvingar i akrobatikk, rytme og andre aktivitetar som bidreg til eit heilheitleg bilete av lausdans.

Alder: Frå 1. klasse

Tid:

Gruppe 1 måndagar 14.50 - 15.35

Gruppe 2 måndagar 15:35 - 16:20

Lærar: Jan Beitohaugen Granli

Med atterhald om endringar.

Det finst mange ulike stilartar innan dans. Dansen forandrar seg med trender, moter og popmusikk. Her får du utfolde deg og oppleve danseglede, og du utviklar styrke, koordinasjon og smidigheit. Vi set saman noko vi kan bli stolte av å vise fram.

Showdans 4. - 7. klasse (60min)

Showdans 1. - 3. klasse (45min)

Tid: Onsdagar etter skuletid

Lærar: Kelli Haugen

Tilbod til dei som vil utvikle fantasien og dei kreative evnene sine i møte med kunst og kunstnarar.

Tid: Måndagar 15:00 - 16:30

Alder: 1. - 10. klasse

Lærarar:

Eli Sagstuen og Anica Seljestad

Her får du innføring i grunnleggjande sløydteknikkar, med hovudvekt på bruk av handverkty. Oppgåvene vil variere ut frå alder og erfaring hjå eleven, og utfordringane vil auke i tråd med progresjonen.

Vanlege sløydmaterialar blir dekte av kontingenten, men ved behov for større mengder, eller innkjøp av spesielt kostbare materialar eller tilbehør, kan det krevjast at eleven må betale ekstra for dette. Dette blir i tilfelle avtala på førehand.

Alder: Frå 3. klasse

Tid: Tysdag ettermiddag. Tidspunkt kjem an på kor mange grupper det blir, og korleis ein deler dei med omsyn til alder. Kvar gruppe har omlag halvannan time undervisning.

Lærar: Knut Olav Dokken

Teatergruppa i Vestre Slidre har eit tett samarbeid med Valdres barne- og ungdomsteater om ei stor oppsetjing på vårparten. Da får våre kulturskuleelevar opptre i lag med eit stort antal teaterfrelste born og unge frå heile Valdres.

På teater lærar ein både skodespelarteknikk, korleis ein lager kullisser, syng og dansar. I tillegg til øvingar kvar veke i Slidre blir det nokre øvingshelger på Fagernes. Teatergruppa viser også smakebitar frå den store oppsetjinga på kulturskulens framsyning i Slidre.

Alder: Frå 3. klasse

Tid: torsdagar kl.15.00-16.30

Lærar: Anica Seljestad

Leter du etter eit godt gruppetilbod med song, leik og læring for barnet ditt?

For 4 - 6 åringer tilbyr vi "Kulturverkstad"  under leiing av Silje Helland.

Kulturverkstad er eit tilbod der ein kan prøve ut ulike instrumenter, synge i kor, synge i mikrofon, lære å opptre, lære en dans - rett og slett utfolde seg saman med mange andre barn og prøve ut alt ein ikkje ein gong visste fantes.

Målet er å få barn til å oppdage gleda av å vera kreative i lag.

Det blir opptredener på kulturskulens framsyninger og ved andre anledningar. Kulturverkstad skal vera ein inngangsport for mangfaldet kulturskulen kan by på. Samtidig står det sosiale og god gruppedynamikk i sentrum - for alt blir meir morosamt når ein gjer det i lag!

Alder: Fødd 2017 - 1. klasse

Tid: Tysdagar kl.16.45-17.15

Lærar: Silje Helland m.fl.

Er du interessert i korleis musikkuniverset heng saman? Vil du forstå korleis akkordar er bygde opp, kva transponering, intervallar, toneart, synkoper eller dominantar er? Vil du vite kva ein gjer når ein song ein vil synge er for lys eller mørk? Vil du lære meir om teorien som ligg bak musikken?

Undervisninga vil gå føre seg i gruppe på ettermiddagstid.

Alder: frå 6. klasse

Lærar: Odd Arne Erlandsen

I band kan du bruke instrumentet ditt i samspel med ei gruppe ein gong i veka. Du kan også få prøve deg på andre instrument i bandet. Band og einetimer er koblet sammen, slik at det er større grad av fleksibilitet mellom  individuell opplæring og samspel. Einetimene er ca. 15 min. Vil ein ha lengre speletime må ein søkje særskilt om det, og prisen vil bli justert.
 
Alder: frå 6. klasse
Tid: Fast tidsramme med mulighet for fleksibel fordeling av eineundervisning og samspel.
Tidspunkt avtaler ein når gruppene er sett saman.

Lærar: Caroline Synvis og Fredrik Thorsen

Du lærer å spele el-bass med fokus mot samspel og band.
 
Alder: frå 5.klasse
 
Lærar: Caroline Synvis og Harald Høyvik

 Bratsj er litt større og litt mørkare i klangen enn fiolin. Ein begynner vanligvis på fiolin og bytter til bratsj etter nokon år.
 
"Valdresstrykerne” er orkesteret for dei vidarekomne elevane. Øvelsene foregår onsdags ettermiddagar på Fagernes på tre ulike nivåer. Orkesteret spelar konsertar og tilbyr seminar og  turar  både i  inn- og utland. Meir info rundt Valdresstrykerne på www.valdresstrykerne.no. Frå ungdomsskulealder er det høve til å bli med i Landstrykerne, eit ungdomsorkester for elevar frå heile Oppland. Sjå www.landstrykerne.no for meir info.
 
Alder: frå 8 år.
Lærar: Eivind Dølerud

Cello er eit strykeinstrument som kan brukast i mange forskjellige samanhengar. Klangen i celloen er varm og vakker. På cello kan ein både spele lyse melodiar og mørke bass-stemmer. Den er ein viktig del av symfoniorkesteret, men ein kan også vere helt åleine, i strykekvartett, med piano eller i band.

I celloundervisninga lærer du også å spele etter noter. I tillegg til einetime kvar veke tilbyr vi gruppetimen ”Veslefrikk” for alle nybegynnarane på fiolin og cello med fokus på leik og læring i fellesskap. Denne gruppetimen er gratis.
”Valdresstrykerne” er orkesteret for dei vidarekomne elevane. Øvelsene foregår onsdags ettermiddagar på Fagernes på tre ulike nivåer. Orkesteret spelar konsertar og tilbyr seminar og  turar  både i  inn- og utland. Meir info rundt Valdresstrykerne på www.valdresstrykerne.no. Frå ungdomsskulealder er det høve til å bli med i Landstrykerne, eit ungdomsorkester for elevar frå heile Oppland. Sjå www.landstrykerne.no for meir info.
 
Alder: frå 6 år.
Lærar: Susanne Engelmann

GRATIS OG UFORPLIKTANDE
PRØVETIME!  TA KONTAKT PÅ
908 65 376 (Susanne) 

  Med ein fiolin kan du trille fram flotte melodiar, anten melodiar du har høyrt før, eller du kan lage dei sjølv. For å treffe dei rette tonane må du lytte deg fram, og øve jamt og trutt.

I samspel med andre blir dette enda lettare og artigare. Med bogen som du stryk over strengane, kan du skape nydelege tonar, når du har lært å bruke den. Ein får raskt eit personleg forhold til ein fiolin.

Fiolin er eit lite og kjekt instrument som du kan ta med deg rundt og spele saman med andre instrument. Det blir brukt i mange samanhengar; i orkester, i små grupper, heilt åleine, i band eller som folkemusikkinstrument.

Dei fleste som går på fiolin i kulturskulane i Valdres, spelar også på nybegynnersamspel "Veslefrikk" eller  i eit av dei tre orkestra for vidarekomne i Valdresstrykerne. Samspel for nybegynnere på fiolin er gratis.

"Valdresstrykerne” er orkesteret for dei vidarekomne elevane. Øvelsene foregår onsdags ettermiddagar på Fagernes på tre ulike nivåer. Orkesteret spelar konsertar og tilbyr seminar og  turar  både i  inn- og utland. Meir info rundt Valdresstrykerne på www.valdresstrykerne.no. Frå ungdomsskulealder er det høve til å bli med i Landstrykerne, eit ungdomsorkester for elevar frå heile Oppland. Sjå www.landstrykerne.no for meir info.

Aldrer: frå ca. 6 år
Lærar: Eivind Dølerud

GRATIS
OG UFORPLIKTANDE
PRØVETIME! 
TA KONTAKT PÅ
951 74 611 (Eivind)

Grunnleggjande og vidarekomne opplæring på tverrfløyte.
 
Alder: frå ca. 8 år
 
Lærar: Julia Helgesen

Susanne Engelmann Det blir undervist i tradisjonsmusikk frå Valdres, men også frå andre område og i andre sjangrar, ettersom ein kjem vidare på instrumentet.

Brei musikalsk horisont er det likaste som er. Som medlem i kulturskulen får ein også vere med på forskjellige konsertar og oppdrag, alle skreddarsydde etter elevens ynskje og nivå.

Undervisninga er hovudsakleg gehørbasert, men brukar også enkle notesystem for å kome i gang. Som regel er undervisninga solobasert kvar veke, men ein kan også i periodar slå saman med andre i same sjanger eller med andre sjangrar. Dette gjer undervisninga samansett og spanande.
 
Alder: frå 6 år
Lærar: Jan Beitohaugen Granli

Kontrabassen er bassinstrumentet i strykefamilien, og blir brukt i fleire stilartar. I den klassiske tradisjonen, jazz, pop og forskjellig folkemusikk. I kulturskulen får du opplæring i bogeteknikk og pizzicato spel, lærer noter og besifring.

Vil du spele forskjellige sjangrar kan du vere med i samspel/band med for eksempel  gitar og piano. Dei som vil spele klassisk, får tilbod om å vere med i "Valdresstrykerne" etter kvart.

Alder: frå ca. 9 år

Lærar: Susanne Engelmann

GRATIS OG UFORPLIKTANDE PRØVETIME!  TA KONTAKT PÅ 908 65 376 (Susanne)
 

Susanne Engelmann Langeleik er eit folkemusikkinstrument med djupe røtter i dalføret. Du får grunnleggjande opplæring på instrumentet.
 
Lærar: Solfrid Olmhus

Alle som er med i Vestre Slidre skulekorps får opplæring på instrumentet sitt.
 
Om du ikkje er med i skulekorpset, eller om du har lyst på meir undervisning enn den du får gjennom korpset, så kan du velje messingblås som tilbod i kulturskulen.
 
Lærar: Odd Arne Erlandsen

Prøv deg på munnharpe! Som eit av verdas eldste instrument har det stor utbreiing, og i Norge har me ein lang tradisjon for munnharpespeling. Eit veldig lite instrument som kan vere med overalt, og skapar liv kvar enn ein tek det opp!
 
Kom og lær instrumentet og få innsikt i ein spanande toneskatt.
 
Alder: Det kan vere greit å ha framtenner : )
Lærar: Jan Beitohaugen Granli

Opplæring på piano/keyboard.
 
Årsakene til at barn og unge vil begynne å spele piano kan vere høgst forskjellige. Det å lære seg å spele piano vil utvikle eleven både på det musikalske og personlege planet. For å nå sine mål, må eleven skape seg en struktur for øving og utvikling. Dette inneber at det må gis plass for å tilby mange ulike aktivitetar og arbeidsformer for å imøtekoma behovet til elevane. Elevane skal i første rekke oppleve meistring og glede gjennom å skape musikk.

Elevane får også opplæring i noter, grunnleggande teori og gehørspel. Mange komponistar har komponert musikk spesielt for born, slik at dei kan spele originalskriven musikk heilt frå nybegynnarstadiet. 

Ein treng ingen spesielle forkunnskapar, men ein må ha instrument heime.

Alder: frå 5 år

Lærarar: Caroline Synvis og Odd Arne Erlandsen

Vestre Slidre kulturskule tilbyr opplæring på slagverk/trommer.
 
Opplæringa blir tilpassa ferdigheitene til elevane individuelt eller i grupper. Vi gir elevane konserterfaringar og samspelopplevingar på alle nivå.
 
Slagverkelevar vil få mogeligheit til å være med i Vestre Slidre skulekorps eller å spela i band.
 
Alder: frå 8 år

Lærarar: Fredrik Thorsen og Simen Motrøen

Likar du å synge? Har du lyst til å bli betre? Har du lyst til å få meir kontroll og bli tryggare på di eiga stemme? Har du lyst til å lære meir songteknikk? Kanskje du syng i band eller i kor, eller du berre likar å synge? Då kan dette vere noko for deg!

Hvis noen har ynskje om å syngje saman, kan de oppgi dette i søknaden, så syr vi saman små grupper.

Alder: frå 8 år

Lærarar: Silje Helland og Caroline Synvis

Vil du lære songar og songteknikk som er heilt spesielt for dalføret vårt? Vi har ein rik songskatt som opner dører til historia vår.

Alder: frå 8 år

Lærar: Marit Karlberg

Torader er eit knappetrekkspel med berre to knapperader. Ein kan spele all slags musikk, men det er lett og lystig musikk som er mest forbunde med dette instrumentet. Ofte dansemusikk. Det blir fort god stemning med ein torader i nærleiken.

Til opplæring brukar vi noter og innlæring på gehør.
 
Alder: Frå 6 år
Lærar: Atle Finneberg

Ønsker du å ha eit lite instrument som er nett og hendig å ha med seg, som fungerer godt i samspelssituasjonar, så er dette instrumentet for deg.

I ukuleleundervisning lærer ein seg grep og slagteknikkar i tillegg til grunnleggande noteopplæring. Ukulele er også eit instrument som er vel egna til lærarar i skule og barnehage som ynskjer eit instrument som kan spelast på av både voksne og born.

Elevar må stille med eige instrument.

Til opplæring blir det brukt noter og innlæring på gehør.
 
Alder: frå 1. klasse
Lærar: Slije Helland