Arbeidet med planen er i stor grad basert på den føreliggande kulturminneplanen frå 2017. Status på dei andre kulturmiljøa er oppdatert med bilete, informasjon, tiltak og framtidsplanar. Prosjektleiar har vore i kontakt med Innlandet fylkeskommune, Riksantikvaren, Sametinget, fagpersonar, representantar for relevante lokale lag og organisasjonar for å kvalitetssikre informasjon etter beste evne.  

Planen skal også syne tema og tiltak det bør arbeidast vidare med seinare. Alle kulturminne med verdi 1 der eigaren har gjeve samtykke, er tekne med, medan utvalde minne med verdi 2 er omtala med forslag til tiltak som kan realiserast ved høve.  

Kommunestyret 20.06.2024 vedtok Kulturmiljøplan for Vestre Slidre som grunnlag for å gjere prioriteringar i det framtidige arbeidet med kulturminne(KS-049/24).