EIGEDOMSSKATT OG NY TAKSERING
Du som får dette
brevet står registrert som heimelshavar (eigar) av eigedom i Vestre Slidre
kommune.
Vedtak
Almenn taksering for eigedomsskatt
i Vestre Slidre kommune
Kommunestyret
i Vestre Slidre vedtok i oktober ny almenn taksering i Vestre Slidre kommune frå
og med 2025. For skatteåret 2025 skal det reknast eigedomsskatt på faste eigedomar
i heile kommunen i samsvar med eigedomsskattelova § 3 bokstav a.
Retningsliner for verdivurderinga
Kommunestyret
i Vestre Slidre kommune har utnemnt sakkunnig nemnd til å gjennomføre eigedomsskatteprosjektet.
Takseringa skal gjennomførast i samsvar med eigedomsskattelova
§ 8 A-3 (4) der nemnda
utarbeider retningsliner for takseringa, og vedtek takstar frå synfararane.
Fastsetting av takst
og offentleg ettersyn
Kommunen
har inngått samarbeid med takstfirma Verditaksering Kjell Larsen AS, som vil gjennomføre
synfaring av eigedomar i kommunen, samt kome med framlegg til takst for sakkunnig nemnd. Det er sakkunndig
nemnd som endeleg vedtek desse. Takstar og utrekna eigedomsskatt vil bli lagt
ut til offentleg ettersyn innan 01.03.2025.
Synfaring
I samband med skattetakseringa vil det bli gjennomført utvendig synfaring av
alle eigedomar med tilhøyrande bygg. Det er ikkje naudsynt at de er med når
synfaringa blir gjennomført. Ynskjer du å gi informasjon om eigedomen eller
vere til stades under synfaringa gir du melding om dette så snart som mogleg og
seinast innan fire veker. Du vil då bli kontakta når det nærmar seg tid for
synfaring.
Verdisetting
Følgjande paragraf dannar utgangspunktet
for verdsettinga av eigedomane:
Eigedomsskattelova
§ 8 A-2
(1) Verdet av eigedomen skal setjast til det beløp
ein må gå ut frå at eigedomen etter si innretning, brukseigenskap og
lokalisering kan bli avhenda for under vanlege salstilhøve ved fritt sal.
Verdet av næringseigedom skal setjast til teknisk verde når det ikkje er mogleg
å fastsetje verdet etter regelen i første punktum.