Redusert foreldrebetaling og gratis kjernetid
Jf. Forskrift om foreldrebetaling i barnehager §3 skal kommunen tilby reduksjoner i foreldrebetaling etter forskriften.
Det er i tillegg til søskenmoderasjon to ordningar som kan hjelpe familier eller hushaldninger med lav inntekt:
- Redusert foreldrebetaling:
Dersom maksprisen er høgare enn 6 prosent av den samla inntekten til hushaldningen, skal du ha redusert pris. Ordninga går ut på at ingen skal betale meir enn 6 prosent av inntekten sin per barn.
Våren 2024 er maksprisen kr. 3 000, per. månad. Kostpengar kjem i tillegg. Då gjeld ordninga for hushaldningar som har ei samla inntekt som er lågare enn 550 000,- kr per år.
Alle 2-, 3-, 4- og 5-åringer, og barn med utsatt skolestart, som bur i hushaldninger med lav inntekt, har rett til å få 20 timer gratis opphaldstid i barnehage per uke.
For barnehageåret 2022/2023 er inntektsgrensa 598 825 kroner. Ordninga med gratis kjernetid gjeld uavhengig deltids- eller heiltidsplass. For barnehageåret 2023/2024 gjeld gratis kjernetid for barn som er fødd i 2018, 2019, 2020 og 2021.
Slik søker du:
Du kan søke om redusert foreldrebetaling og gratis kjernetid i Foresattportalen.
Hugs dokumentasjon. Skattemeldinga finn ein i altinn.no
Søknadsfrist
Søknad for reduksjon gjeld for eit barnehageår. For barn som har fast plass i barnehagen eller skal starte i barnehagen frå hausten av, bør du søke innan 15. juni. For søknader før 1. august, gjeld kommunen sitt vedtak frå 1. august og ut barnehageåret. Blir det søkt etter 1. august gjeld vedtaket frå første heile månad etter søknadstidspunktet og ut barnehageåret. Dersom barnet starter midt i eit barnehageår, kan søknaden sendes månaden før barnet starter. Der er mogleg å søke undervegs i året dersom det skjer ei vesentleg og varig endring i hushaldninga si inntekt. Vedtak vil gjelde frå og med månaden etter søknadstidspunktet.
Er det noko du lurer på om tema?
Her kan du lese meir om Foreldrebetaling for barnehageplass og moderasjonsordninger.
Dersom du lurer på noko rundt redusert foreldrebetaling eller gratis kjernetid, ta kontakt med styrar i barnehagen eller oppvekst i Vestre Slidre kommune, tlf. 61 34 50 00.