Kven behandlar søknaden?
Tildelingskontoret er kommunen sitt kontaktpunkt for innbyggjarar og samarbeidspartnarar som søkjer om, eller ønskjer informasjon om, helse- og omsorgstenester.
Avdelinga behandlar søknader om helse- og omsorgstenester og gir informasjon og rettleiing til innbyggjarar og samarbeidspartnarar.
Tildelingskontoret er også kommunen si koordinerande eining. Avdelinga skal bidra til at personar som har behov for sosial, psykososial eller medisinsk habilitering og rehabilitering, får eit heilskapleg og samordna tilbod.
Avdelinga har òg eit overordna ansvar for arbeidet med individuell plan, og for oppnemning, opplæring og rettleiing av koordinatorar.
Slik søker du
Du søker om helse- og omsorgstenester ved å fylle ut søknadsskjemaet for helse- og omsorgstenester. Det er eit felles søknadskjema for helse- og omsorgstenester i Vestre Slidre kommune.
Søk om helse- og omsorgstenester (PDF, 253 kB)
Papirskjemaet sendast til:
Tildelingskontoret i Vestre Slidre kommune
Slidrevegen 16
2966 Slidre
Når du søkjer om tenester
Alle som søkjer om tenester frå kommunen, skal få eit skriftleg vedtak med grunngjeving.
Tildelingskontoret skal sørgje for at søknader om helse- og omsorgstenester blir behandla likt, uavhengig av kvar i kommunen du bur. Avdelinga skal også sikre god kvalitet i saksbehandlinga.
Du kan forvente at
- Søknaden din blir behandla av ein saksbehandlar med relevant fagkompetanse.
- Søknaden din blir vurdert individuelt, og i tråd med gjeldande lovverk og vedtekne standardar.
- Hjelpa du får, skal bidra til at du kan klare deg mest mogleg sjølv.
- Når behovet ditt for tenester blir vurdert, blir det teke omsyn til ressursane i husstanden, det sosiale nettverket ditt og moglegheita for hjelp frå frivillige.
- Du skal, så langt det er mogleg, få medverke i planlegginga og utforminga av tenestene.
Søknader og personlige opplysningar blir behandla konfidensielt, taushetsplikta overholdast alltid.
Kva skjer etter at du har sendt søknaden?
- Ein saksbehandlar tek kontakt med deg for å avtale vidare oppfølging av søknaden.
- Det blir vanlegvis gjennomført heimebesøk eller besøk der du oppheld deg for behandling eller oppfølging.
- Du kan velje å ha med deg pårørande eller ein annan person du har tillit til i møte med saksbehandlaren.
- Dersom det er formålstenleg, kan fagpersonar som kjenner situasjonen din, bli inviterte til møtet.
Du kan forvente at
- Du får eit skriftleg vedtak med grunngjeving for avgjerda.
- Du kan vanlegvis forvente svar på søknaden innan fire veker. Dersom det er behov for lengre saksbehandlingstid, får du innan fristen eit førebels svar med grunngjeving og informasjon om vidare framdrift i saka.
- Behovet ditt for tenester blir vurdert jamleg av dei som gir deg tenestene. Dersom behovet ditt endrar seg, blir det gjort ei ny vurdering. Du får skriftleg melding dersom det blir gjort endringar i tenestene.
Her kan du lese meir om klagreretten både på vedtak og på utføring av teneste. Lenke!
Kva kostar våre tenester?
Her finne du lenke til vedteke betalingssatsar