Fargerik oppgradering i Slidre - Vestre Slidre kommune

Fargerik oppgradering i Slidre

Vestre Slidre kommune håpar enno fleire finn vegen til dei gode tilboda me har i sentrum! No har fasadane utanfor BUA, kulturkafeen og trimrommet vorte oppgraderte med nye handmåla, fargerike skilt. Oppgradering av fasadeskilt er eit av tiltaka i sentrumsprosjektet Eldvegen.

Vil du på telttur, teste SUP-brett eller kano i sumar? Hos BUA i Vestre Slidre kan du låne sports- og friluftsutstyr heilt gratis. BUA er open tysdag 14–16 og torsdag 15–17. Sjekk utvalet på BUA.no! https://www.bua.no/finn-bua/bua-vestre-slidre

Ynskjer du å bruke trimrommet i Slidre? Her finn du informasjon: Trimrommet i Slidre kulturhus - Vestre Slidre kommune

Kulturkafeen er ein flott møteplass i sentrum og blir brukt til mange ulike arrangement. Han er mykje brukt til utleige, kantine for ungdom og gratis bruk for frivillige lag og foreiningar, og frivilligsentralen har mange av aktivitetane sine der. Kvar måndag er det open kafé med frivillige frå kl. 11.00–14.00, og her kan ein kjøpe kaffi, vaflar og rundstykke. Kafeen har sumarstengt, men opnar att til hausten.

Kulturhuset - Klikk for stort bilete
BUA - Klikk for stort bilete
Trimrom for alle - Klikk for stort bilete
Trimrommet - Klikk for stort bilete
Kulturkafeen - Klikk for stort bilete