Nytt torg og støls-inspirert leikeplass
Hausten 2026 blir det byggjeaktivitet utanfor kulturhuset i Slidre, for uteområda skal fornyast med eit triveleg torg! Det nye torget er eit av tiltaka i sentrumsprosjektet «Eldvegen».
Dette kjem på det nye torget:
- Utvida terrasse utanfor kulturkafeen
- Plassbygde benker på terrassen
- Ny utandørs belysning skaper god stemning året rundt
- Ein liten leikeplass inspirert av eit tradisjonelt stølstun
Framdrift og anleggsperiode
Grunnarbeidet startar rett etter sumaren. Det nye torget skal stå klart til innviing i løpet av hausten/vinteren 2026.
Trafikk og parkering
I planen for området utanfor kulturhuset er det lagt inn ei utviding av parkeringsplassen. Denne delen av uteområdet blir gjennomført seinare. Parkeringsplassane i Slidre er ofte fulle, for det er mykje aktivitet i sentrum både på kveldstid og i helgar. Utanom arbeidstid oppmodar me folk til å bruke parkeringsplassane rundt kommunehuset og bak skulen.
Oppgraderinga av torget vil gje ein meir oversiktleg trafikksituasjon utanfor kulturhuset for både bilar og folk.
"Eldvegen"-prosjektet / VSK
"Eldvegen"-prosjektet /VSK
Sist endra 13.07.2026 10.41