Hovudfunn
Resipientvurderinga viser at mange private avløpsløysingar i området Vaset–Syndin–Krokåne ikkje tilfredsstiller reinsekrava i forureiningsforskrifta. Utslepp frå avløp bidreg til tilførsel av næringsstoff og kan føre til overgjødsling og auka algevekst i elver og innsjøar.
For å oppfylle krava i vassforskrifta er det naudsynt både med oppgradering av eksisterande avløpsanlegg og streng regulering av nye utslepp.
Tiltak framover
Kommunen har no etablert ein plan for vidare oppfølging av avløpssituasjonen i området:
Oppgradering av eksisterande avløpsanlegg
Det ligg føre nasjonale krav om at avløpsanlegg skal oppfylle reinsekrava innan 2033. Kommunen arbeider med opprydding i eksisterande anlegg og vil følgje opp med tilsyn og pålegg der det er behov.
Tilknyting til kommunalt avløp
Eigedomar nær kommunalt avløpsnett skal koplast til der dette er praktisk mogleg, for å redusere utslepp frå separate anlegg.
Avgrensa opning for nye utslepp på Vaset og Syndin
Det er opna for ein avgrensa og kontrollert behandling av nye utsleppsløyve innanfor fastsette kapasitetstak i dei enkelte nedbørsfelta. I dei mest sårbare områda gjeld det framleis strenge restriksjonar, og enkelte område som til dømes Søre Syndin har framleis byggjestopp.
Strengare krav til nye løysingar
Nye utsleppsløyve vert berre gitt der det er godt dokumentert at anlegget oppfyller krav til reinsing, og at utsleppet ikkje medfører forringing av resipienten.
Vidare overvaking og kartlegging
Det vert gjennomført regelmessig prøvetaking av innsjøane for å følgje utviklinga i vasskvaliteten. Kommunen arbeider også med å kartleggje påverknad frå fleire kjelder.
Kvifor er tiltaka viktig?
Tiltaka vil bidra til å:
- Redusere forureining og overgjødsling.
- Sikre berekraftig hytteutvikling
- Oppfylle nasjonale krav til vassforvaltning.
For meir info om situasjonen og private avløp gå til: