Når får eg faktura?
Vestre Slidre kommune tilbyr fleksibel fakturering. Det vil si at du som innbyggjar kan velge mellom 2, 4 eller 12 terminer for å motta faktura på kommunale avgifter pr. år.
Les meir om dette her:
https://www.vestre-slidre.kommune.no/administrasjon/kontakt-oss/okonomi-og-skatt/
Redusert mva-sats for vatn og avløp
Endring i meirverdiavgift frå 1. juli 2025 gjer at kommunale avgifter må reknast med ulik mva-sats i same fakturaperiode. Fakturagrunnlaget for årsoppgjør vassmålar er difor delt opp i to linjer for å sikre korrekt utrekning av avgift og meirverdiavgift.
Kvifor aukar VA-gebyra for både fritidsbustader og private bustader?
- Auka kostnader til drift og vedlikehald
Prisane på straum, kjemikaliar, reparasjonar og innkjøp av utstyr har gått kraftig opp. Dette gjer det dyrare å halde vass- og avløpsanlegga i drift for alle abonnentar – både for dei som bur fast og dei som har fritidsbustad.
- Strengare krav i lover og forskrifter
Nye nasjonale krav innan reinsing av avløp og tryggleik i vassforsyninga krev oppgraderingar av anlegg og infrastruktur. Desse investeringane må finansierast gjennom gebyra.
- Betydelig behov for investeringar i VA-anlegg
Mange røyrsystem, pumpestasjonar og reinseanlegg er gamle og må fornyast. Dette er kostnader som blir fordelte på alle abonnentar – inkludert eigarar av fritidsbustader.
- Gebyra skal dekke faktiske kostnader (selvkost)
VA-tenester kan ikkje gå med overskot eller underskot. Når kostnadene aukar, må gebyra justerast, uavhengig av om bustaden er fast eller fritid.
Eg har fått tilsynsgebyr - privat avløp, kva er det?
Alle som har eit privat avløpsanlegg, vil bli fakturert eit årleg tilsynsgebyr. Tilsynet er ei lovpålagt oppgåve for alle kommunar i Norge. Les meir om dette her: https://www.vestre-slidre.kommune.no/tenester/tekniske-tenester/vatn-og-avlop/private-avlopsanlegg/informasjon-om-tilsynsgebyr-spredt-avlop/
Det har ikkje vore feiar hos meg, kvifor får eg likevel faktura for tilsyn- og feiegebyr?
Feietenesta blir gjennomført etter Forskrift om brannforebygging, kapittel 4. Piper skal feiast etter behov. Kommunen skal føre tilsyn og vurdere behovet for feiing i kvar einskild pipe. Det betyr at feiing ikkje blir utført kvart år. Kommunen har og ansvar for feiing og tilsyn med fyringsanlegg i fritidsbustader og støler.
Ved spørsmål om feiing eller klage på utført teneste, ta kontakt med Valdres Brann- og Redningstjeneste IKS.
Les meir om dette her: https://www.vestre-slidre.kommune.no/tenester/tekniske-tenester/brann-og-feiing/
Eg har ikkje eldstad, kvifor får eg feiegebyr?
Dersom du ikkje har eldstad, kan du søkje om fritak for tilsyn- og feiegebyr. Skjema finn du her: https://www.valdresbrannvesen.no/media/1224/skjema-fritak-for-feie-og-tilsynsgebyr-vbr-01.pdf
Har du fleire spørsmål om fritak frå feiing, ta kontakt med Valdres Brann- og Redningstjeneste IKS.
Eigedomsskatt
Frå 1.januar 2025 var det nytt takstgrunnlag for eigedomsskatt i heile Vestre Slidre kommune. Dette etter vedtak i kommunestyret 12.12.2024
Les meir om dette her: https://www.vestre-slidre.kommune.no/tenester/plan-bygg-og-eigedom/eigedomsskatt-i-vestre-slidre/
Kvifor får eg faktura i Digital postkasse?
Det skjer da du sjølv har oppretta deg som brukar av ei slik digital plattform. Du kan reservere deg mot at brev frå det offentlege kjem i denne postkassa. Les meir om dette her: Få informasjon på papir | Norge.no
Det står feil adresse på meg - kor kan eg endre dette?
Send ein e-post til post@vestre-slidre.kommune.no med opplysningar om gards- og bruksnummer, samt den nye adressa di.
Om du ikkje finn svara du leiter etter her, er det berre å ta kontakt med oss:
post@vestre-slidre.kommune.no eller telefon 61 34 50 00.